Google ADS

Sot dy ndeshje në orar në BKT Superligën e Kosovës, por përballja Prishtina – Llapi rrezikon të mos zhvillohet

10:08 | 2 Prill 2022
Artan Maliqi

BKT Superliga e Kosovës do të vazhdojë edhe sot me ndeshjet e javës së 27-të, ku në plan janë dy takime.

Derbi mes Prishtinës dhe Llapit është paraparë që të zhvillohet sot, por FFK i ka kërkuar kampionit aktual një stadium tjetër për të zhvilluar ndeshjen, jo atë të “Fadil Vokrrit”.

Prishtina nuk ka pranuar të luajë diku tjetër dhe gjithçka është mbetur të vendoset në orët e para të mëngjesit.

Telegrafi merr vesh se një delegacion i FFK-së së bashku me një të Prishtinës do ta inspektojnë stadiumin në mëngjes për të parë se a mundet të luhet aty apo jo.

Ndeshja tjetër interesante pritet të jetë edhe ajo mes Ulpianës dhe Dritës.

Vendasit e kanë trenin e fundit për të kapur hapin për mbijetesë, ndërsa mysafirët në luftë për titull.

Të dy ndeshjet pritet të fillojnë në ora 14:00. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm